अपरिचित व्यक्तिका लागि स्थानीय ढाट लगाउँदै

कटारी । अपरिचित व्यक्ति प्रवेश गर्न थालेपछि उदयपुरको कटारी नगरपालिका ४ का स्थानीयले कोरोना संक्रमणबाट आफु पनि बच्न र अरुलाई पनि बचाउन आफ्नो टोलमा अपरिचित व्यक्तिहरुलाई प्रवेश निषेध गरेका छन् ।

टोलबाट आफु पनि घरबाट ननिस्किने र अरुलाई पनि टोलमा प्रवेश गर्न नदिने भन्दै उनीहरुले प्रवेश निषेध गरेका हुन् । स्थानीय दिपक माझीकाअनुसार टोलको प्रवेशद्वार नै बन्द गरिएको हो । टोलबाट मोटरसाईकल तथा अपरिचित व्यक्तिहरुको आउजाउ बढेपछि उनीहरुले हिजोदेखि बाटो बन्द गर्दै प्रवेश निषेध गरेका हुन ।

टोलमा माक्स लगाएर घरमै वसिरहेका उनीहरुले सरकारको लकडाउन सफल पार्दै संक्रक्रमणबाट बच्न नयाँ मानिसहरुलाई टोलमा प्रवेश नदिने बताएका छन् । उनीहरुले अन्य व्यक्तिहरुलाई पनि जथाभावि वाहिर ननिस्कन पनि आग्रह गरेका छन् ।