उदयपुरमा बस एकआपस ठोकिदा २६ जना घाईते

उदयपुर । उदयपुरको त्रियुगा नगरपालिका–१४ स्थित जितपुरमा बस एकआपसमा ठोकिदा २६ जना घाईते भएका छन् । सदरमुकाम गाईघाटबाट साउने तर्फ जादै गरेको मे १ ख १७४० नम्बरको बस र विपरित दिसाबाट आउँदै गरेको बा २ ख ५४१८ नम्बरको बस करिब १२ः१० बजे एक आपसमा ठोकिएर दुर्घटना हुदा चालक सहित २६ जना घाईते भएका हुन् ।

मे १ ख १७४० न.को बसमा सवार खोटाङ दिप्रुङ गाउँपालिका– ७ निबासी १४ वर्षीय गौतम विक, ६० वर्षीय केदार विक, २० को राकेश राई, दिप्रूङ गापा–४ निबासी ५५ वर्षीय डम्बरकुमारी खत्री, दिप्रूङ गापा–५निबासी ३५ वर्षीय कल्पना थापा खोटाङ बाह्रापोखरी गाउँपालिका– १ निबासी ६० वर्षीय सानुमाया राई, त्रियुगा नगरपालिका–२ निबासी ६१ वर्षीय छत्रबहादुर मंग्राती, २७ वर्षीय पदम बोगटी, रौतामाई गाउँपालिका–५ ६ निबासी २९ वर्षीय सविन राई, रौगापा–५ निबासी ८ वर्षीय बसन्त राई र २५ वर्षीय विमला राई घाईते भएको प्रहरीले जनाएको छ ।

मोवाईलमा समाचार हेर्न तल Like गर्न नभुलौः

त्यस्तै बा २ ख ५४१८ नम्बरको बसका चालक त्रिनपा–३ मिलन चोक निबासी सुरेश खड्काको खुट्टामा चोट लागेर घाईते भएको प्रहरीले जनाएको छ । त्यस्तै बसमा सवार दिप्रूङ गापा–४ निबासी ३९ लिलाकुमार श्रेष्ठ, १५ वर्षीया बिष्णु खड्का, बाह्रापोखरी गापा–१ निबासी ३९ वर्षीया ताराकुमारी श्रेष्ठ, ६४ वर्षीय गणेशबहादुर राई, ५ वर्षीय प्रबिन श्रेष्ठ, त्रिनपा–५ निबासी २३ वर्षीया सबिता राई, ४ वर्षीया सलिना राई, त्रिनपा–१४ निबासी ४५ वर्षीया थिराकुमारी मगर, ६४ वर्षीय भरत मगर, २१ वर्षीय पेसल मगर, ४२ वर्षीय एकबहादुर कट्वाल, ४५ वर्षीया गंगामाया मगर, त्रिनपा–१५ निबासी ४८ वर्षीय लिला पराजुली र रौगापा–५ निबासी १९ वर्षीय भुपेन्द्र मगर घाईते भएको प्रहरीले जनाएको छ ।

टाउको, छाती, चिउँडो, ओठ, मुख, दाँत, निधार, हात, लगायत शरिरको अन्य भागमा चोट पटक लागेको छ भने सविन राईको कुम भाँचिएको प्रहरीले जनाएको छ । घाईतेहरुको जिल्ला अस्पताल उदयपुरमा उपचार भईरहेको प्रहरीले जनाएको छ । मे १ ख १७४० नम्बरको बसका चालक त्रिनपा–१५ रानिबास निबासी यमन थापा फरार भएकाले खोजी कार्य भईरहेको जिल्ला प्रहरी कार्यालय उदयपुरले जनाएको छ ।

भिडियोः

Facebook Comments

Leave a Reply

Your email address will not be published. Required fields are marked *