आफ्नो वडाका विद्यार्थीलाई साईकल बितरण

उदयपुर । उदयपुरको चौदण्डीगढी नगरपालिकाका एक वडाले आफ्नो वडाभित्र रहेका विद्यार्थीहरुलाई साईकल बितरण गरेका छन् । शिक्षामा प्रत्यक्ष टेवा पुर्याउने भन्ने उद्देश्यले चौदण्डीगढी नगरपालिकाका–२ ले साईकल वितरण गरेको हो । कक्षा ११ र १२ मा अध्ययनरत निम्न स्तरका ३४ जना छात्रा र १३ जना छात्रलाई साईकल वितरण गरिएको वडाअध्यक्ष सन्तोष सुवेदीले बताए ।

वडाअध्यक्ष सुवेदीका अनुसार विद्यार्थीहरुलाई क्याम्पस जान धाउन वडा कार्यालयको बार्षिक कार्यक्रम अनुसार साईकल वितरण गरिएको हो । वडा कार्यलयमा एक कार्यक्रमबीच नगरपालिकाका मेयर खगेन्द्र राई र वडा अध्यक्ष सुवेदीले संयुक्तरुपमा साईकलको चावि विद्यार्थीहलाई हस्तान्तरण गरेका थिए । टाढाटाढाबाट विद्यालय धाउने विद्यार्थीको हितलाई ध्यानमा राखेर साइकल वितरण गरिएको वडाअध्यक्ष सुवेदीले बताएका छन् ।