गजेन्द्र राई
उदयपुर । उदयपुरमा बोलेरो जीप दुर्घटना हुदा मंगलवार १ जनाको मृत्यु भएको छ भने ४ जना घाईते भएका छन् । जिल्लाको रौतामाई गाउँपालिका ४ सल्ले बजारबाट सुन्तला बोकेर सदरमुकाम गाईघाटतर्फ आउँदै गरेको स १ च १२२८ नम्बरको बोलेरो दुर्घटनामा पर्दा त्रियुगा नगरपालिका १० बोक्सेका कमलबहादुर मगरको घट्नास्थलमै निधन भएको जिल्ला प्रहरी कार्यालय उदयपुरले जनाएको छ ।
दुर्घट्नामा परी हराईरहेका ५० वर्षीय मगर २ घण्टापछि ५ सय मिटर तल मृत अवस्थामा भेटिएको थियो । सल्लेदेखि हिडेको केहीबेरमै जीप जितेनीपाखास्थित सडकमा अनियन्तित भई खस्दा सडकबाट ३ सय मिटर तल झेरर भिरमा दुर्घटनामा परेको प्रहरी प्रमुख एसपी नवराज भट्टले बताए । जीप अझै भिरमै अड्किरहेको प्रत्यक्षदर्शी स्थानीय गंगा रानामगरलाई उद्धृत गर्दै प्रहरीले जनाएको छ ।
जीपमा सवार ५ यात्रुमध्ये रौतामाई ४ भदौरेका सोही ठाउँका ४५ वर्षीय भक्तबहादुर सार्की, ४० वर्षीया निर्मला राई र सोही ठाँउका चालक ३५ वर्षीय रत्न राई घाईते भएको प्रहरीले जनाएको छ । जीपमै सवार १४ वर्षीय सन्देश राई भने हाम फालेर बँच्न सफल भएको प्रहरीले जनाएको छ ।
दिउसो २ः१५ बजे भएको दुर्घट्नाको खवर पाएलगत्तै साउनेस्थि चौकीबाट प्रहरी टोली घट्नास्थलतर्फ पठाइएको प्रहरीले जनाएको छ । घाईतेहरुको उद्धार गरी उपचारार्थ ल्याउन सदरमुकामदेखि एम्बुलेन्स पठाइएको एसपी भट्टले बताए ।
