त्रियुगा नगरपालिका मेयरमा बस्नेत र उपमेयरमा राई निर्वाचित

त्रियुगा । उदयपुरको त्रियुगा नगरपालिकाको मेयरमा कांग्रेसका उम्मेदवार बसन्त बस्नेत निर्वाचित भएका छन् । उनले निकटतम प्रतिद्वन्द्वी एमालेका उम्मेदवार भागवत राउतलाई २ हजार ८६ मतान्तरले पराजित गरेका थिए ।

त्रियुगामा ४० हजार १ सय ३७ मत खसेकोमा बस्नेतले १३ हजार ९ सय ५९ मत ल्याएका थिएभने राउतले ११ हजार ८ सय ७३ मात्र मत प्रप्त गरेका थिए । त्यसैगरि उपमेयरमा एमालेकी महेश्वरी राई निर्वाचित भएकी छन् ।

राईले नेपाली कांग्रेसका उम्मेदवार सरिता राईलाई १ हजार ७ सय २२ मतान्तरले पराजित गरेका थिए । महेश्वरीले १३ हजार ७ सय ३ मत ल्याएका थिएभने निकटतम प्रतिद्वन्द्वी सरिताले ११ हजार ९ सय ८१ मात्र मत प्राप्त गरे ।