उदयपुरमा मोटरसाईकल दुर्घटनाबाट एक युवाको मृत्यु

त्रियुगा । उदयपुरमा भएको मोटरसाईकल दुर्घटनामा एक युवाको मृत्यु भएको छ । मृत्यु हुनेमा जिल्लाको त्रियुगा नगरपालिका ३ बस्ने बर्ष ३२ को शान्तिराम राई रहेको छ ।

उनको प्रदेश १–०५–००१ प ३७१४ नम्बर भएको मोटरसाईकलमा दुर्घटना हुदा उनको मृत्यु भएको प्रहरीले जनाएको छ । प्रहरीका अनुसार दुर्घटना त्रियुगा नगरपालिका ३ मोतिगडा स्थित लच्काहा नजिकै रहेको पोलमा ठोक्किदा उनको मृत्यु भएको हो ।

दुर्घटनामा घाईते भएको उनको उपचारको लागि जिल्ला अस्पताल पु¥याएपनि डाक्टरले मृत घोषणा गरेका थिए । दुर्घटनाको कारण मादक पदार्थ सेवन गरी सवारी चलाएकोले नियन्त्रण बाहिर जाँदा घटना भएको हुनसक्ने अनुमान गरिएको छ ।