उदयपुर । ३५ बर्षीया एक महिलालाई सामुहिक बलत्कार गरेको आरोपमा उदयपुर प्रहरीले चार युवालाई पक्राउ गरेको छ । सिराहाबाट गाईघाटतर्फ आउदै गरेको बा.१४ च. ६८१७ नम्बरको स्कार्पियो गाडीलाई चेकिङ गर्ने क्रममा सोमबार उनिहरुलाई पक्राउ गरिएको जिल्ला प्रहरी कार्यालय उदयपुरका प्रहरी प्रमुख एसपी नबराज भट्टले बताए । एसपी भट्टका अनुसार जिल्लाको त्रियुगा नगरपालिका–६ स्थित लालपत्ताबाट सवारी चेकिङको क्रममा उनिहरुलाई पक्राउ गरिएको हो ।
पक्राउ पर्नेमा सिराहा स्थित लहान नगरपालिका–७ बस्ने बर्ष २४ को अमित गुप्ता, बर्ष २५ को सन्देश गुप्ता, बर्ष २५ को बिवेक साह र सिराहा स्थित मिर्चैया बस्ने बर्ष २६ को नितेश कुमार साह रहेका छन् । गाडीमा सवार चार पुरुष र एक महिला मध्ये महिला नग्न अवस्थामा फेला परेको प्रहरीले जनाएको छ । प्रहरीको अनुसार सिराहाको लहानबाट जबरजस्ति महिलालाई गाडीमा राखिएको थियो । पक्राउ परेका उनिहरुलाई प्रहरीले सोमबार पत्रकार सम्मेलन मार्फत सार्वजनिक गरेको छ । अहिले गाडी सहित उनिहरुलाई अनुसन्धानका लागि जिल्ला प्रहरी कार्यालय उदयपुरमा राखिएको छ ।
भिडियोः–