उदयपुर । चौधरी हत्या आरोपमा एक महिला सहित तीन युवालाई उदयपुरमा प्रहरीले पक्राउ गरेको छ । उनिहरुलाई त्रियुगा नगरपालिका– १ जोगिदह बस्ने बर्ष ३० को सुसिलकान्त चौधरीको हत्या आरोपमा शनिवार पक्राउ गरिएको हो । पक्राउ पर्नेमा स्थानीय बर्ष २५ को सन्चमाया तामाङ, बर्ष ३१ को तिलक तामाङ, ३१ बर्षको प्रकाश भन्ने शंकर तामाङ र बर्ष ३८ को एक बहादुर तामाङ रहेको छ । उनिहरुलाई आईतवार एक पत्रकार सम्मेलन मार्फत जिल्ला प्रहरी कार्यालय उदयपुरले सार्बजनिक गरेको छ ।
पत्रकार सम्मेलनमा बाल्दै जिल्ला प्रहरी प्रमुख एसपी नबराज भट्टले घटना भएको छोटो समयमै प्रहरीले सफलता हात पारेको बताए । उनले व्याक्तिगत रिसिबिको कारण चौधरीको हत्या भएको अनुसन्धानको क्रममा पाईएको बताए । एसपी भट्टका अनुसार पक्राउ परेको मध्ये सन्चमाया तामाङको घरमा चक्कु प्रहार गरेर चौधरीको हत्या गरिएको थियो ।
हत्यापछि स्थानीय कंङ्ग खोलाको बगरमा चौधरीको शब पुरिएको प्रहरी अनुसन्धानबाट खुलेको छ । मृतक चौधरी गत २५ गते बेलुकीको खानापछि घरबाट हराएको थियो । खोज तलासको क्रममा बालुवामा पुरिएको अवस्थामा उनको शब २९ गते भेटिएको प्रहरीले जनाएको छ । उनको मृत्यु शंकास्पद भएको भन्दै प्रहरीले अनुसन्धान अगाडी बढाएका थिए ।
भिडियोः–