त्रियुगा । उदयपुरको त्रियुगा नगरपालिका वडा नम्बर १५ खाँबुस्थित कुभिण्डेमा खुल्ला पुरुष भलिबल प्रतियोगिता हुने भएको छ । विजय दशमी तथा दिपावलीको अवसर परेर सो प्रतियोगिता हुन लागेको आयोजक समितिका अध्यक्ष इन्द्रबहादुर मगरले बताए ।
अध्यक्ष मगरका अनुसार प्रतियोगिता असोज २१ देखि २३ गतेसम्म सञ्चालन हुने छ । प्रतियोगितामा एक दर्जनभन्दा माथि खेलाडी टिम सहभागी हने अनुमान गरिएको आयोजक समितिले जनाएको छ ।
स्वास्थ्यको लागि खेलकुद, राष्ट्रको लागि खेलकुद भन्ने नाराका साथ हुने प्रतियोगिताको प्रथम पुरस्कार ६६ हजार तीन सय ३३ रुपैया नगद, सिल्ड मेडल र प्रमाणपत्र, दोस्रो पुरस्कार ३३ हजार तीन सय ३३ रुपैया नगद, सिल्ड मेडल र प्रमाणपत्र र तेस्रो पुरस्कार ११ हजार एक सय ११ रुपैया नगद, सिल्ड मेडल र प्रमाणपत्र रहेको छ । प्रतियोगिता त्रियुगा नगरपालिका वडा नम्बर १५ खाँबु र स्थानीय जनकल्याण सामुदायिक बन उपभोक्ता समितिको आयोजनामा हुन लागेको हो ।
भिडियो
Facebook Comments