उदयपुरमा बसले किचेर एक मृत्यु

नेपालटार । उदयपुरको उदयपुरगढी गाउँपालिका ५ घाटे स्थित सानिमा बैँक अगाडी बसले किचेर एकको मृत्यु भएको छ । मृत्यु हुनेमा स्थानीय बर्ष ५० को कृष्ण बहादुर राई रहेका छन् ।

उनलाई उदयपुरगढी गाउँपालिकादेखि सदरमुकाम गाईघाटतर्फ आउँदै गरेको ना ३ ख ७९४४ नम्वरको बसले किचेको जिल्ला प्रहरी कार्यालय उदयपुरका प्रहरी नायब उपरीक्षक (डिएसपी) बेदप्रसाद गौतमले बताए । डिएसपी गौतमका अनुसार मृतक राई सोहि बसको यात्रु हुन् । उनलाई पछाडीको चक्काले किचेको थियो ।

मृतक राई घरदेखि तरकारी बेच्न बजार निस्केका थिए । स्थानीय बजारमा तरकारी बिक्रि नभएपछि अर्को नेपालटार बजारमा बेच्न गाडी चढेर जाने क्रममा बसले किचेको प्रत्यक्षदर्शीहरु बताउछन् । अहिले रौतामाई गाउँपालिका ७ बस्ने बर्ष ४० को बस चालक राजन कुमार राउत र बसलाई थप अनुसन्धानको लागि जिल्ला प्रहरी कार्यालयमा राखिएको छ ।