उदयपुर । उदयपुरको सदरमुकाम गाईघाटमा संचालन हुदै आएको तीन वटा पेट्रोल पम्पको अनुगमन गरिएको छ । शुक्रबार गुणस्तर तथा नापतौल विभाग विराटनगर र जिल्ला प्रशासन कार्यालय उदयपुरको संयुक्त टोलीले अनुगमन गरेको हो ।
सहायक प्रमुख जिल्ला अधिकारी लक्ष्मी प्रसाद रेग्मीका अनुसार अनुगमन गरिएका पेट्रोल पम्पहरूमा त्रियुगा नगरपालिका–११ स्थित रियाज पेट्रोल पम्प र एस.के. पेट्रोल पम्प तथा त्रियुगा नगरपालिका–३ मोतिगडा स्थित उर्जा पेट्रोल पम्प रहेको छ । रेग्मीका अनुसार अनुगमनको क्रममा सबै पेट्रोल पम्पहरू मापदण्ड अनुसार संचालन भएको पाइएको छ ।
पेट्रोल पम्पहरूलाई नियम पालना गर्न सचेत पनि गराइएको छ । अनुगमन टोलीका संयोजक रजनिस झाले यस्तो अनुगमनले पेट्रोल पम्पहरूलाई नियमित रूपमा गुणस्तरीय सेवा प्रदान गर्न प्रोत्साहित गर्ने बताए । उनले भविष्यमा पनि यस्ता अनुगमनहरू निरन्तर रूपमा गरिने जानकारी दिए ।
भिडियोः