गाईघाट । सदरमुकाममा रहेका उद्योगी, ब्यापारी तथा ब्यवसायीहरुको छाता संगठन त्रियुुगा उद्योग वाणिज्य संघ गाईघाटको सातौं बार्षिक साधारणसभा सम्पन्न भएको छ । सदरमुकाम गाईघाट स्थित रामजानकी पार्टी प्यालेसमा आयोजित कार्यक्रमलाई प्रदेश १ का सांसद सम्झना तामाङ र नेपाल उद्योग वाणिाज्य संघका केन्द्रिय पूुर्व अध्यक्ष चण्डीराज ढकालले सयुक्त रुपमा उद्घाटन गरेका थिए ।
पूर्वसांसद, राजनीतिक दलका नेता, नागरिक समाज, बुद्धिविजी, पत्रकारहरुको सहभागिता रहेको कार्यक्रममा संस्थाका संस्थापक एवम् पूुर्व अध्यक्षहरुलाई अभिनन्दन गरिएको थियो । संस्थालाई विशेष योगदान पुुर्याउने ब्यक्तीहरुलाई कदर गरिएको थियो । अतिथिहरुलाई जिल्लाको पर्यटन, ब्यापार, ब्यावसाय झल्किने तस्बिरसहितको मायाको चिनो प्रदान गरिएको थियो ।
ब्यवसायिक एकता र आर्थिक विकासका जोड दिदै संघले विभिन्न गतिविधि गर्दै आएको छ । सामाजिक विकास र गतिविधिमा समेत विशेष सक्रियता रहेको छ । संघले बन्दशत्रमार्फत आर्थिक तथा संस्थागत प्रतिवेदन प्रस्तुत गरेको छ । कार्यक्रम संघका अध्यक्ष रमेश रसाईलीको अध्यक्षतामा भएको हो ।