उदयपुरमा १२ बर्षिया बालिकाको शंकास्पद शब फेला

उदयपुर ।  उदयपुरमा १२ बर्षिया बालिकाको आईतबार शंकास्पद अबस्थामा शव फेला परेको छ । जिल्लाको रौतामाई गाउँपालिका–३ लाफागाउँ बस्ने बर्ष १२ को एल्जिना खड्काको शब शंकास्पद अवस्थामा फेला परेको हो । शनिवार दिउँसो बाख्रा चराउन भन्दै गोठालो गएको बालिका घर नफर्केपछि खोजतलासको क्रममा स्थानीय अमला भञ्ज्याङमा उनको शंकास्पद अवस्थामा शब फेला परेको वडाअध्यक्ष दुर्गाराज खड्काले बताए ।

वडाअध्यक्ष खड्काका अनुसार घरबाट करिव ४ सय मिटर पर उनको शब फेला परेको थियो । शंकास्पद मृत भेटिएको बालिकाको सरिलमा भएको कपडा च्यातिएको अवस्थामा रहेको स्थानीयहरु बताउँछन् । उनिहरुका अनुसार बलात्कार पछि हत्या गरिएको हुनसक्ने अनुमान गरिएको छ । हाल जिल्ला प्रहरी कार्यालय उदयपुरका प्रहरी नायव उपरिक्षक अर्जुन रानाभाट नेतृत्वको प्रहरी टोलि घटना स्थलतर्फ जानेकाम भईरहेको छ ।

भिडियोः–