गजेन्द्र राई
उदयपुर। देउसी–भैलो खेल्न हिडेकी एक बालिकालाई बन्धक बनाई बलत्कार गरेको आरोपमा उदयपुरमा एक युवा पक्राउ परेको छ । पक्राउ पर्नेमा जिल्लाको त्रियुगा नगरपालिका वडा नम्बर–९ सयपत्री टोल बस्ने बर्ष २० को प्रेम राया रहेको छ । उनलाई गत २२ गते आफन्तको घरमा लागेर एक रात बालिकालाई बन्धक बनाएर बलत्कार गरेको आरोप छ । उनलाई सोही आरोपमा प्रहरीले गत २३ गते पक्राउ गरिएको जिल्ला प्रहरी कार्यालय उदयपुरका डिएसपी अर्जुन रानाभाटले बताए ।
डिएसपी रानाभाटका अनुसार बालिकालाई बन्धक बनाई बलत्कार गरेको उजुरी प्रहरीमा परेपछि उनलाई पक्राउ गरिएको थियो । बन्धक परेको बालिकालाई ज्यान मार्ने लगायतका बिभिन्न धाकधम्की दिदै पटक–पटक बलत्कार गरेको प्रहरीमा दिईएको उजुरीमा उल्लेख गरिएको छ । उजुरी पीडितका आफन्तहरुले शनिवार जिल्ला प्रहरी कार्यालयमा दर्ता गराएको छ । पक्राउ परेको राया हाल अनुसन्धानका लागि जिल्ला प्रहरी कार्यालय उदयपुरमा राखिएको छ ।
भिडियोः–