उदयपुरमा शव फेला

उदयपुर । उदयपुरको त्रियुगा नगरपालिका– ३ त्रियुगा नदीको वगरमा एक व्यक्तिको शव शुक्रबार फेला परेको छ । स्थानीय त्रियुगा नगरपालिका– ९ गैरुन बस्ने बर्ष ४० को मोहमद वकिलको शव नदी किनाराको वगरमा फेला परेको हो । मोटरसाईकल स्टेण्ड लगाएर राखिएको र शव घोप्टो अबश्थामा फेला परेको प्रहरीले जनाएको छ ।

बालुवा चाल्न गएका मजदुरहरुले लास देखेपछि प्रहरीलाई खवर गरेका थिए । वगरमा शव फेला पर्नुले उनको हत्या भएको हुन सक्ने स्थानीयले अनुमान गरेका छन् । प्रहरीले पनि उक्त घटना गएराती भएको हुन सक्ने अनुमान गरेको छ । वकिल जिवीकोपार्जनका लागि सुमो गाडी चलाउने गर्दथे ।