उदयपुर । स्वर्गिय गिता स्मृति रनिङ शिल्ड साकेला सिली प्रतियोगितामा इटहरीले प्रथम स्थान हासिल गरेसँगै शिल्ड पच बनाएका छन् । निरन्तर तिन पटक प्रथम स्थान हासिल गरेपछि इटहरी उपमहानगरपालिका सुनसरीको समुहले शिल्ड पच बनाएका हुन् ।
शिल्ड पचसँगै इटहरीको टिमले प्रमाणपत्र, ट्रफि सहित नगद ३० हजार रुपैया हात पारेका छन् । त्यसैगरि प्रतियोगितामा त्रियुगा नगर कमिटीले दोस्रो स्थान र धरान १५ साकेला समूहले तेस्रो स्थान हासिल गरेका छन् ।
दोस्रो र टिम हुने समुहले क्रमसः प्रमाणपत्र, ट्रफि सहित नगद २० हजार र १५ हजार रुपैया हात पारेका छन् । यसैगरि प्रतियोगितामा ११ औँ गिता स्मृति रनिङ साकेला संघ लेटाङ मोरङ, कोवाई बुङ साकेला समूह त्रियुगा नगरपालिका ३ चाप, चौदण्डीगढी नगरपालिका साकेला संघ, किरात राई चाम्लिङ खाम्वात्तिम र त्रियुगा नगर कमिटीले सान्त्वना पुरस्कार प्राप्त गरेका छन् ।
प्रतियोगिताको पुरस्कारहरु क्रमशः प्रथम पुरस्कार नरध्वज राई, दोस्रो पुरस्कार प्रेम कुमार राई, तोस्रो पुरस्कार भुपजित पुमा राईले प्रायोजन गरेका थिएभने हिरामति राई, कालिदास राई(किसन), समिप सागर राई र तल बहादुर राईले प्रायोजन गरेका थिए । प्रतियोगिता किरात राई यायोख्खा त्रियुगा वडा नम्बर ११, १२ र १३ को संयुक्त आयोजनामा भएको थियो ।
भिडियोः