ट्याक्टरमा बोकेको बाँसमा उनिएर एक महिला गम्भिर घाईते

गजेन्द्र राई
त्रियुगा । उदयपुरको त्रियुगा नगरपालिका ४ बगाहामा ट्याक्टरमा बोकेको बाँसमा उनिएर एक महिला गम्भिर घाईते भएका छन् । घाईते हुनेमा त्रियुगा नगरपालिका ३ बगाहा बस्ने बर्ष ४४ को सारादा चौधरी रहेका छन् ।

शनिबार साँझ जोगिदहबाट देउरीतर्फ जादै गरेको स. १ त. २८२५ नम्बरको ट्याक्टरमा बोकेको बाँसमा उनिएर उनि घाईते भएको प्रहरीले जनाएको छ । प्रहरीले जनाएअनुसार ट्याक्टरले ईमर्जेन्सी ब्रेक लगाउदा सोहि दिसाबाट जलजले तर्फ जादै गरेको प. १–०५–००१ प. ६९११ नम्बरको मोटरसाईकलमा सवार उनि बाँसमा उनिदा घाईते भएको हो ।

उनको पेटको दायाँ भागदेखि ढाडसम्म वारपार बाँस उनिएको छ । उनलाई जिल्ला अस्पताल उदयपुरमा प्राथामिक उपचार गरी थप उपचारको लागि बिराटनगर लगिएको छभने त्रियुगा ६ देउरी बस्ने बर्ष ४० को मोटरसाईकल चालक सलिम अलिको जिल्ला अस्पतालमा उपचार भईरहेको छ ।