त्रियुगा । उदयपुर प्रहरीको नियन्त्रणमा परेका एक युवा फरार भएका छन् । फरार हुनेमा जिल्लाको त्रियुगा नगरपालिका १४ साउने स्थित माझगाउँ बस्ने बर्ष ३२ को पवन भन्ने लोकचन्द्र राई रहेका छन् ।
लोकचन्द्रमाथी वडासदस्य नारायण बहादुर राईलाई मरणासन्न हुनेगरी कुटपिट गरेको आरोप छ । कुटपिटपछि प्रहरी चौकी साउनेको नियन्त्रणमा रहेको लोकचन्द्र हाल फरार भएको वडाअध्यक्ष हिमराज मगरले बताए ।
अध्यक्ष मगरका अनुसार सडक बत्ति जोड्ने क्रममा गत माघ १८ गते वडासदस्य राईमाथी मरणासन्न हुनेगरी कुटपिट भएको थियो । उनलाई प्रहरी चौकी इन्चार्ज (असही) बाबुराम थापाको मिलेमतोमा भगाईएको स्थानीयहरुको आरोप छ ।
असही थापाले जिम्माजमातको बहानामा राईलाई फरार बनाएको थियो । हाल फरार भएका लोकचन्द्रमाथी अपराध संहिता २०७४ को फौजदारी कसूरको परिच्छेद ५ को दफा ११८ को अभद्र व्यवहार सम्वन्धि मुद्दा दर्ता भएको छ ।