उदयपुर । उदयपुरमा लागूऔषध कारोबारीमा सम्लग्न ५ युवकलाई शनिवार प्रहरीले पक्राउ गरेको छ । उनिहरुलाई जिल्लाको त्रियुगा नगरपालिका–३ बाट पक्राउ गरिएको जिल्ला प्रहरी कार्यालय उदयपुरले जनाएको छ । पक्राउ पर्नेमा त्रियुगा नगरपालिका–३ बस्ने २४ बर्षिय मिथुन चौधरी, १९ बर्षिय ओम प्रकाश चौधरी, १७ बर्षिय दिबस लोहनी र २२ बर्षिय राकेश रोक्का रहेका छन् ।
उनीहरुको साथबाट नाईट्रोजन ट्याप्लेट १८ पिस, डाईजोल्याप ३ पिस, नगद ४ हजार ४ सय ३० रुपैँया र स ७ प ९१६३ नम्बरको मोटरसाइकल समेत बरामद गरिएको छ । उनीहरुलाई जिल्ला प्रहरी कार्यालयमा राखी थप अनुसन्धान भइरेहको छ । त्यसैगरि त्रियुगा नगरपालिका बस्ने १८ बर्षिय उपेन्द्र साहको साथबाट प्रहरीले शनिबार साँझ ३९ पिस नाईटोजन ट्याब्लेट, स्पास्मोप्रोशिवन १६ पिस र ८० ग्राम गाँजासहित पक्राउ गरी जिल्ला प्रहरी कार्यालय उदयपुरमा राकिएकोे छ ।
