४ मंसिर, ललितपुर । कवि यल्जी विवशको विशेष प्रस्तुतिसहित ‘अलग शनिबार’को नयाँ शृङ्खला सम्पन्न भएको छ ।
सातदोबाटोस्थित अलग आर्ट हबमा सम्पन्न कार्यक्रमका पाहुना कवि विवशले केही कविता वाचन गरेका थिए । पछिल्लो समय कोरिया रहदै आएका उनले सामूहिक साङ्गीतिक एल्बम ‘सहयात्रा’ काे साथमा उनी सम्मिलित मिलन किराती, शकुन आँसु र विनोद बान्तावा समूहको तर्फबाट अलग अभियानलाई सहयोग पनि हस्तान्तरण गरे ।
कार्यक्रममा जिचेत स्याङ्तान, बम बानियाँ, उदिम किराती, इनुमा राई, नाकिमा नाकिम लगायतले सिर्जना वाचन गरे भने मण्डल साम्पाङ, आभा मुकारुङ, रेवत राई, कला किराती, नम्रता राई, कर्ण तामाङ, सुरज लामा, सुरस्मा लामिछाने, कविना नापित, सन्जय लामा, प्रमिला तामाङ, अरुणा लामा, प्रेम मगर, विक्रम योन्जन, सम्भु लिम्बु, अपिक्षा राई लगायतले गीत प्रस्तुत गरे ।
सुरज लामा र कविना नापितले सञ्चालन गरेको कार्यक्रममा वाद्यवादनतर्फ गिटारमा राजकुमार समाल, हार्माेनियममा मण्डल साम्पाङ, बाँसुरीमा राजेश राई र तबलामा हरि श्रेष्ठले साथ दिएका थिए ।