त्रियुगा । उदयपुरमा प्रतिबन्धित लागुऔषध सहित मंगलबार एक युवा पक्राउ परेको छ । पक्राउ पर्नेमा त्रियुगा नगरपालिका ११ जलजला बस्ने वर्ष २३ को सविन राई रहेको छ ।
राईको साथबाट बिधिन्न प्रकारको प्रतिबन्धित लागुऔषध बरामद गरिएको जिल्ला प्रहरी कार्यालय उदयपुरले जनाएका छन् । कार्यालयले जनाएअनुसार बुप्रिनोर्फिन ९ एम्पुल, फेरानागन ६ एम्पुल, डाइजेपाम ९ एम्पुल गरी जम्मा २४ एम्पुल र २२ ट्याब्लेट नाइट्राभेट बरामद गरिएको छ ।
उनलाई लाहानबाट गाईघाट आउने क्रममा लालपत्ता प्रहरी चौकीले पक्राउ गरेको हो । हाल उनलाई थप अनुसन्धानको लागि जिल्ला प्रहरी कार्यालय उदयपुरमा राखिएको छ ।
भिडियोः
Facebook Comments