उदयपुर । जिल्ला प्रहरी कार्यालय उदयपुरले नयाँ प्रहरी प्रमुख पाएका छन् । प्रहरी प्रमुखका रुपमा रहेका प्रहरी उपरीक्षक (एसपी) ज्ञानेन्द्र प्रसाद फुयालको कार्यअवधि सकिएसँगै नयाँ प्रहरी प्रमुखको रुपमा एसपी रमेश थापालाई पाएका हुन् ।
एसपी फुयाल मानब बेचबिखन अनुसन्धान ब्यूरो, मानब बेचबिखन अनुसन्धान शाखा काठमाडौ सरुवा भएपछि एसपी थापा राष्ट्रिय प्रहरी प्रशिक्षण प्रतिष्ठान महाराजगन्जबाट सरुवा भई आएका हुन । नयाँ एसपीका रुपमा थापाले आईतबार जिल्लाका पत्रकारहरुसँग भेटघाट गरेका छन् ।
भेटघाटका क्रममा जिल्लाको शान्ति सुरक्षा र अपराध न्यूनीकरणमा आफ्नो अहम भूमिका रहने एसपी थापाले बताए । उनले प्रहरी कार्यालयले नेपाल प्रहरीको मोवाईल एप्लिकेसन ‘नेपाल पुलिस’ उदयपुरमा सञ्चालन गर्न लागेको बताए ।
उनका अनुसार मोवाईल एप्लिकेसनबाट कार्यालयको काम कारवाहीलाई चुस्तदुरुस्त र प्रविधि मैत्री बनाउने छ । ‘सि समथिङ से समथिङ’ भन्ने नाराका साथ एप्लिकेसन सञ्चालन गर्न लागिएको हो । एप्लिकेसन सञ्चालनपछि प्रविधिबाट आम सर्वसाधारणले घटनाको बारेमा तत्काल प्रहरीलाई जानकारी गर्न सक्ने पनि एसपी थापाको भनाई छ ।
भिडियोः