खोटाङ गठबन्धनः संघमा पासाङ, प्रदेशमा भूपेन्द्र र बीरबलकाजीको उम्मेदवारी

खोटाङ । प्रतिनिधिसभा र प्रदेशसभा निर्वाचनका लागि खोटाङमा गठबन्धनको तर्फबाट संयुक्त रुपमा उम्मेद्वारी दर्ता गरेका छन् । ४ मंसिरमा हुने निर्वाचनका लागि प्रतिनिधिसभातर्फ नेकपा माओवादी केन्द्रका रामकुमार राई (पासाङ) ले आइतबार मुख्य निर्वाचन अधिकृतको कार्यालय पुगेर मनोनयन दर्ता गरेका छन् ।

यस्तै, गठबन्धनबाट प्रदेशसभा ‘क’ नेकपा (एकीकृत समाजवादी)का बीरबलकाजी राई र प्रदेशसभा ‘ख’ नेपाली कांग्रेसका भूपेन्द्र राईले उम्मेदवारी दर्ता गराएका छन् । मनोनयन दर्ताका लागि गठबन्धन दलका उम्मेदवार र्‍याली सहित मुख्य निर्वाचन अधिकृतको कार्यालय पुगेको थियो ।