उदयपुर । उदयपुरमा एक किशोरीको हत्या आशंकामा उदयपुर प्रहरीले २ जनालाई नियन्त्रणमा लिएको छ । मंगलबार विहान जिल्लाको बेलका नगरपालिका ३ डंगटोलमा मृत अवस्थामा फेला परेकी १६ चर्षीया कविता सुनुवारको हत्या आशंकामा उनिहरु पक्राउ परेका हुन् ।
पक्राउ पर्नेमा भारतको सिक्किम राज्य बियुङ स्थायी घर भई बेलका ३ स्थित जितबहादुर ढकाल(खत्री)को घरमा बस्दै आएका १९ वर्षीय बिनोद ढकाल र जितबहादुरकै छोरी १७ वर्षीया सरिता ढकाल (खत्री) रहेको प्रहरीले जनाएको छ ।
विहानै बेलका ६ किराँत चोकका कृष्ण सुनुवारकी छोरी कविता मृत अबस्था भेटिएको भन्ने जानकारी प्राप्त भए अनुसार खटेको ईलाका प्रहरी कार्यालय रामपुर ठोक्सिलाका निरीक्षक कमाण्डको टोलीले उनीहरुलाई पक्राउ गरेर अनुसन्धान सुरु गरेको जिल्ला प्रहरी कार्यालय उदयपुरले जनाएको छ । टोलीले घटनास्थल सुरक्षित राखी कानुनी प्रक्रिया पुरा गरी लास पोष्टमार्टम गर्न बिपी स्वास्थ्य विज्ञान प्रतिष्ठान धरान पठाएको छ ।
Facebook Comments