राजेन्द्र दुष्ट
बेल्टार । दुधकोशी नदीको किनारमा एक युवाको शव फेला परेको छ । फेला परेको शब खोटाङको जन्तेढुंगा गाउँपालिका– १ देविस्थान बस्ने बर्ष २१ को आषिश राईको रहेको प्रहरीले जनाएको छ ।
प्रहरीका अनुसार गत ९ गतेदेखि हराएको राईलाई खोजतलास गर्ने क्रममा कुटिटार गाउँको फेदी स्थित कोशीको किनारमा मृत भेटिएको थियो । अहिले मृतक राईको शव प्राथकि स्वास्थ्य केन्द्र चिसापानीमा राखिएको खोटाङका प्रहरी निरीक्षक सूर्यनारायण माझीले बताए ।
उनका अनुसार मृतकको बुबाले दिएको जाहेरीको आधारमा ६ जना युवालाई अनुसन्धानको लागि नियन्त्रणमा लिईएको छ । नियन्त्रणमा उदयपुरको चौदण्डीगढी नगरपालिका– ८ सिद्धिपुर ढोडेनी बस्ने बर्ष २५ को विजि भनिने विजय मगर, सोहि नगरपालिका १ छुईला बस्ने २२ को नविन राई, खोटाङको बारापोखरी गाउँपालिका पौवासेरा– ५ बस्ने बर्ष २० को मुस्कान राई, बर्ष २५ को बालकुमार विष्ट, बर्ष २२ को पुजन खड्का र बर्ष २२ को कृष्ण खड्का रहेको छ ।